Núna á mánudaginn fundar íbúaráð Vesturbæjar en á dagskrá eru nokkur mál sem ráðið mun taka til umræðu.
Fyrirspurn um sorphirðu
Lagt verður fram svar við fyrirspurn íbúaráðsins frá því í september. Meðal þess sem spurt var um var stefna borgarinnar í málefnum grenndargáma en á þeim fimm mánuðum síðan hún var lögð fram hafa ákveðin atriði þess skýrst.
Hverfið mitt
Búið er að velja verkefnin sem hlutu framgang í Vesturbænum. Þau eru:
- Grænni Vesturbær
- Jólaljós í Vesturbæjarlaug
- Bekkir og ruslatunnur
- Vatnspóstur við Ægissíðu
- Leiktæki í Vesturbæjarlaug
- Vistlegri Meistaravellir
- Stiga ofan í fjöru við Eiðsgranda
- Útigrill við Landakotstún
Frekari lækkun hámarkshraða
Undir lok árs 2022 var samþykkt að lækka hámarkshraða á nokkrum völdum stöðum. Þetta voru almennt mjög tímabærar ákvarðanir. Meðal ákvarðana var að lækka hraðann á Hofsvallagötu milli Einimels og Hagamels niður í 30 km/klst, og Einarsnessins, austan litla botlangans.
Þetta átti að koma til framkvæmda í fyrra en tafðist víst vegna þess að ekki fengust verktakar í að skipta út öllum þeim skiltum sem þurfti að uppfæra. Nú eru komnar tillögur um að bæta við nokkrum götum þar sem hámarkshraði verður 30 km/klst:
- Einarsnes
- Hofsvallagata
- Ægissíða og Nesvegur
Óskað hefur verið eftir því að íbúaráðið komi með umsögn um þetta atriði.
Verklagsreglur um fyrirspurnir og tillögur í ráðum og nefndum
Framlagning verklagsreglna um fyrirspurnir og tillögur sem fulltrúar í ráðum og nefndum geta lagt fyrir borgina.
Deiliskipulasgbreyting fyrir orkuáfyllingarstöð á Granda
Það á að færa N1 stöðina af Ægisíðu 102 yfir á Granda, á lóðina við Krónuna:
Stefnumótun um þjónustu aldraðra
Tillaga um fulltrúa verðandi notenda á stefnumótunarfund um þjónustu við aldraða.
Málefni hverfisins
Hér má taka upp málefni sem ekki komust inn á dagskrá fundarins.